Мајка на две деца им возврати на сите оние кои ги прашуваат жените кои немаат работа „Што правиш по цел ден?“, а нејзиниот текст стана вистински хит на Facebook.
Ришел Кеселбери го напишала текстот во чест на сите жени кои им го посветиле животот на семејството. Досега нејзината објава има повеќе од 645 илјади лајкови и речиси 310 илјади споделувања.
Прочитајте го нејзиниот текст:
Мојата сопруга не работи
Разговор помеѓу сопруг и психолог:
Психологот: Што работите г. Роџерс?
Сопругот: Сметководител сум во банка.
Психологот: А вашата сопруга?
Сопругот: Таа не работи. Домаќинка е.
Психологот: Кој прави појадок за вашето семејство?
Сопругот: Мојата сопруга, бидејќи таа не работи.
Психологот: Кога се буди вашата сопруга?
Сопругот: Се буди рано, бидејќи мора да се организира. Таа им подготвува ручек на децата, се погрижува тие да бидат добро облечени и исчешлани, да појадуваат, да ги измијат своите заби и да ги земат сите неопходни нешта за на училиште. Се буди заедно со бебето, му ги менува пелените и облеката. Дои и исто така подготвува ужина.
Психологот: Како одат вашите деца на училиште?
Сопругот: Мојата сопруга ги носи, бидејќи таа не работи.
Психологот: Откако ќе ги однесе на училиште, што прави вашата сопруга?
Сопругот: Обично размислува што може да направи додека е излезена, на пример да ги плати сметките или да испазари во супермаркет за да не мора да го распакува транспортерот повеќепати. Понекогаш ќе заборави нешто, па мора повторно да излегува, носејќи го бебето со себе. Откако ќе се врати дома, мора да му даде на бебето да руча и повторно го дои, му ги менува пелените и го подготвува за спиење, ја расчистува кујната и се погрижува за валканата облека, а потоа ја чисти куќата. Па знаете, таа нема работа.
Психологот: Навечер, откако ќе се вратите од работа, што правите?
Сопругот: Се одмарам, се разбира. Уморен сум од работата во банката цел ден.
Психологот: Што прави вашата сопруга навечер?
Сопругот: Прави вечера, им поставува на децата да јадат, ги мие чиниите, уште еднаш ја подредува куќата, ги прибира кучето и остатоците од вечерата. Откако ќе им помогне на децата со домашната работа, ги подготвува за спиење, а на бебето му менува нова пелена, му дава топло млеко и проверува дали децата си ги измиле забите. По легнувањето, неколкупати станува за да продолжи да дои и ако е потребно менува пелени додека ние спиеме. Бидејќи таа не треба да станува за да оди на работа.
***
Ова е секојдневието на многу жени низ светот, започнува наутро и продолжува до доцна во ноќта… Се нарекува „не работи“?!
Некој ја запраша…
Вие сте жена која работи или сте само „домаќинка“??
Таа одговори:
Работам како домаќинка, 24 часа на ден…
Јас сум мајка,
Јас сум жена,
Јас сум ќерка,
Јас сум аларм,
Јас сум готвачка,
Јас сум слугинка,
Јас сум господарка,
Јас сум келнерка,
Јас сум бебиситерка,
Јас сум медицинска сестра,
Јас сум хаусмајстор,
Јас сум обезбедување,
Јас сум советник,
Јас сум утешител,
Јас немам одмор,
Јас немам право на боледување,
Јас немам слободен ден,
Работам деноноќно,
Јас сум постојано на должност,
Јас не земам плата и…
…покрај тоа, често го слушам прашањето: „А што правиш по цел ден?“
Посветено на сите жени, кои ги даваат своите животи за доброто на нивните семејства.
Жената е како сол: Нејзиното присуство не се памети, но нејзиното отсуство прави сè безвкусно.
