Дами и господа Холивуд го одбра новиот Зоро. Улогата на култниот лик Зоро е доделена на мексиканскиот актер Гаел Гарсија Бернал, соопштија американските медиуми. Актерот ќе ја толкува улогата која го прослави шпанскиот актер, Антонио Бандерас, но сега во римејк кој ќе биде режиран од Хонас Куарон, синот на Оскаровецот Алфонсо Куарон.
Римејк филмот ќе го носи насловот Z, а и покрај тоа што не е познато премногу за темата во филмот, се знае дека продукцијата треба да почне во Доминиканската Република оваа есен.
Допрва треба да се одберат и останатите актери кои ќе бидат дел од филмот. Бернал и Куарон оваа година соработуваа на трилерот Desierto, а актерот оваа година освои Златен Глобус за перформансот во серијата Mozart in the Jungle.
Гаел Гарсија Бернал е познат по филмовите Y tu mamá también, No, The Motorcycle Diaries, Babel…
