Резултатот на дербито од групата Е беше идентичен како и пред 16 години, 2:0
Со головите на Џакерини и Пеле, селекцијата на Италија се избори за триумф од 2:0 во 1. коло од групата Е против носителот Белгија. Италијанците одиграа одлична средба и ги искористија своите шанси за гол така што победата е потполно заслужена.
Предноста ја донесе Џакерини уште во 32. минута откако успеа да си обезбеди простор за удар, а со тоа и да го направи мечот многу поинтересен. Белгијците, пак, како да паднаа под притисокот што го носи завршниот турнир и не успеаја да создадат доволно добра шанса за да израмнат.
Место погодок за 1:1, Италија во судиското продолжение дојде до гол за 2:0 и речиси идентично како и Германија против Украина дојде до триумф со 2:0. И сега се работеше за акција која беше завршена со силен удар од близина така што Пеле ја завери победата и првите три бода кои може да значат и прво место во групата Е.
