Несомнено сите сме зависни од апаратите за коса како фигаро и пегла но тие знаат толку лошо да ја оштетат косата и едноставно не можеме да си дозволиме да ги употребуваме толку често. Но тоа не значи дека треба да се откажете од локните и совршено брановидната коса, пронајдовме нов начин кој отсега ќе го обожавате и ќе им речете збогум на електричните витчаки за коса. Се што ви треба се само неколку иглички за коса, постапката е многу лесна и едноставна, ќе бидете воодушевени.
Започнете со полу сува коса. Не треба да биде преногу влажна бидејќи во спротивно нема да постигнете никаков ефект. Или пак доколку вашата коса е сосема сува тогаш употребете малку течен спреј за коса кој ќе ви даде малку влажност.
Кога го нанесувате фокусирајте се главно на краевите на вашата коса, од ушите па надолу, сигурно не сакате вашите корени да изгледаат нечисто и мрсно бидеќи овие препарати често даваат таков ефект на скалпот.
Разделете ја вашата коса на прамени, секој прамен виткајте го кружно во облик на полжав и прицврстете го со иглички. Внимавајте да се добро прицврстени. Најдобро е прво да започнете од косата од напред, за полесно снаоѓање со остатокот од деловите.
Внимавајте да го опфатите секој прамен, кога ќе бидете готови со постапката оставете 1-2 часа. Доколку ја правите оваа постапка пред спиење, тогаш ставете свилена марама на вашата глава со цел да избегнете прамените да се олабават и разлетаат. Кога локните ќе бидат спремни внимателно извадете ги игличките и помините со вашите прсти низ нив, помините нежно со четка за коса за да добиете по лелеава текстура.
