Најсончевиот месец во годината, август, им подарил голем број уникатни карактеристики и квалитети на родените во него кои ги прават многу поразлични од родените во останатите 11 месеци во годината. Bо него се споени два хороскопски знаци, Лав и Девица.
Најопшта карактеристика за нив е дека се горделиви и дека имаат особена способност да бидат лидери. Покрај тоа, тие обично се привлечни и сакаат пофалби. Луѓето родени во овој месец се полни со магнетизам, амбициозни се, шармантни, енергични и општествени. По природа се борци и имаат силна волја, храбри се и подготвени да преземат ризици. Во глобала имаат имагинативен и брз ум.
За нив се карактеристични големата самоконтрола и увереноста во себе и во своите способности, но понекогаш се однесуваат многу себично. Можат да бидат премногу бучни кога сте во друштво, со цел да го привлечат вниманието кон себе, бидејќи се суетни и имаат големо его.
Понекогаш се многу злобни и злопамтила. Покрај тоа, лесно се разгневуваат, ако некој ги провоцира. Но, сепак се грижливи, дарежливи и лојални кон партнерите. Сакаат да бидат сакани, но мразат да се чувствуваат премногу врзани. Ја сакаат слободата и можат да бидат доста бунтовни, ако некој им постави ограничувања. По природа се љубоморни. Талентирани за уметност и музика. Освен тоа се реализираат лесно како правници.
