Најпопуларното овошје на зимата може да се искористи и за да се подготват вкусни десерти.
Зима без мандарини? Што е со Новата година? Секако не. Мандарините навистина се сметаат за омилено овошје во зима.
Ви предлагаме да подготвите вкусни карамелизирани мандарини. Тешко е да се одолее на ваков десерт, дури и за оние кои не сакаат слатки. Ова е вистински новогодишен десерт.
Состојки:
- 1 кг мандарини
- 1 чаша шеќер
- 100 гр сецкани бадеми
- 2 стапчиња цимет
Подготовка:
Мандарините излупете ги и ставете ги во огноотпорен сад. Исечете ја кората од мандарина на тенки ленти и ставете ги настрана. Истурете го шеќерот во посебен сад и загревајте на тивок оган, мешајќи додека не се стопи и зацрвене. Потоа, истурете 300мл. вода, мешајќи постојано – сè додека карамелата не се растопи целосно. Додадете го циметот, сецканата кора и варете на тивок оган уште 5 минути. Оставете го сирупот да се излади, истурете го во садот со мандарини. Покријте, оставете да се излади и ставете во ладиник 5-6 часа. Можете да ги посипете со бадеми пред да ги послужите.
