Џеронимо и Теа Стилтон се брат и сестра, и тие се омилените ликови на децата.
Италијанската цртана серија која ги раскажува авантурите, згодите и незгодите на глувчињата, раскажани преку главните ликови Џеронимо и Теа Стилтон.
Едукативни, забавни, возбудливи, ова се сликовници кои треба да бидат присутни во секое детско катче. Едицијата Стилтон можете да ја најдете во книжарницата Култура, а таа се состои од многу изданија во кои се сочниети авантурите на Џеронимо Стилтон. Ново во Култура се авантурите на Теа Стилтон, формирањето на сестринството Теа и уште многу забавни приказни, кои се одлично збогатување на едицијата.
Но кој е Џеронимо Стилтон? Тој е роден во Глувчево (Oстровот на Глувците), дипломирал Глувчологија на глодарската книжевност и Компаративна археоглувчешка филозофија. Раководи со Глувчеви Вести, најпознатиот весник на Островот на Глувците. Има добиено многу признанија, меѓу кои и наградата Глувцингер за делото „Тајната на исчезнатото богатство“. Неговите книги, преведени на 37 јазици, продадени се во повеќе од 20 милиони примероци са мо во Италија, а преку 40 милиони во целиот свет! Добитник е на наградите „Андерсен“ за лик на годината (2001 година) и наградата за „Најдобра Е-книга за деца“ (2002 година).
Да ја запознаеме и Теа.
Теа е многу интересна девојка! Сигурна и сериозна, работи како специјален репортер за „Глувчеви вести“. Секогаш е во потрага по интересни вести и е подготвена да оди на авантуристички патувања од кои се враќа со сензационални статии и фотографии. Таа е брилијантна и секогаш подготвена да им помогне на другите. Теа е одличен пријател на другите глувчиња, но нејзината најистакната особина е женската солидарност! Сестринството Теа брои пет членови, студенти од колеџот Глушфорд на Островот на китовите. Тие се палави, забавни и сакаат да станат вистинити репортери! Меѓу лекциите и пријателствата, љубовта и слатката завидливост, животот на колеџ е навистина возбудлив!
Само денес, во книжарницата Култура ќе можат да се купат изданијата од едицијата Стилтон по специјални цени. Побрзајте и донесете насмевка на детското лице со овие забавни сликовници.
