Израдувајте ги членовите на вашето семејство со овие ќофтиња и една чаша црно вино.
Состојки:
- 1 кг мелено месо
- 3 тиквици исечени на траки
- 2 свежи пиперки исечкани на квадратчиња
- шери домати
- 2 лажици доматен сос
- 30 гр путер
- 2 главици кромид
- 2 јајца
- 150 гр презла
- сув зачин
- сол
- бибер
- слатка пиперка
- сув магдонос
- лук
- 1 лажица сода бикарбона
Подготовка:
Најпрво изрендајте го кромидот, потоа додадете го меленото месо, ставете ги зачините, сода бикарбона, јајцата и презлата и со рацете направете компактна смеса. Од таа смеса направете топчиња кои потоа се пржат. Кога ќе се испржат завиткајте ги во тиквиците, ставете пиперка и шери домат одозгора. Наредете ги во плех за печење.
Преливот направете го од малку загреано масло, доматен сос, вода. Сварете го и прелијте го преку ќофтињата. Печете во рерна 10 минути. По желба додадете пармезан одозгора.
Пријатно!
