Правилата на однесување се многу едноставни, само што на некои од нив понекогаш се заборава. Во продолжение ви ги споделуваме и оние помалку познатите бонтон правила.
-Ако кажете: „Ве повикувам“, тоа значи дека вие плаќате. Ако кажете: „Ајде во ресторан“, во тој случај секој плаќа за себе.
-Никогаш немојте ненајавено да дојдете кај некого. Една пританска дама се изјаснила по повод овој проблем. Кога и да и пристигнеле гости кои претходно не и се најавиле, таа секогаш облекувала чевли и земала шешир. Ако и се допаднела личноста, ќе речела: „Само што се вратив дома“, ако не, тогаш ќе воздивнела и ќе кажела: „Ох, каква штета, само што излегувам од дома.“
-Во јавност никогаш не го ставајте мобилниот телефон на масата. Кога ќе го направите тоа, покажувате колку негативна улога има овој уред во вашиот живот, или уште полошо, дека ви е досадно и дека во секој миг сте спремни да погледнете што има ново на фејсбук или инстаграм.
-Ако одите со некого по улица и таа личност сретне свој познаник и застанете да се поздрави со него, и вие треба да го направите истото.
-Поголемиот дел од луѓето веруваат дека е исправен начин да се јаде суши со помош на стапчиња. Меѓутоа, мажите, за разлика од жените, можат да го јадат и со раце.
-Секогаш морате да имате чисти чевли.
-Ако некој ве навреди, немојте да возвраќате со иста мера нити да го повишувате тонот на гласот. Никогаш не се спуштајте на нивно ниво. Насмевнете се и оддалечете се од безобразните луѓе.
-Мажот би требало да чекори од левата страна на жената.
-Девет нешта кои би требало да ги држите во тајност, и да не ги доверувате на никого: годините, богатството, семејните расправии, религија, здравствени проблеми, љубовни афери, поклони, чест и срам.
-Кога во кино или театар заминувате од своето место, секогаш треба да бидете завртени со лицето спрема оние кои седат.
-Ако некој безобразно ве повика со зборовите: „Ти таму!“, не обраќајте се.
-Златното правило кај користењето на парфемот е умереноста. Ако го чувствувате и во доцните вечерни часови, тогаш знајте дека сте претерале.
-Кога ќе влезете во просторија полна со луѓе, вие треба први да се поздравите.
-Ако ви е простено откако сте се извиниле, немојте повеќе да се враќате на темата.
-И како што легендарниот Џек Николсон рекол: „Не викам од една соба во друга. Не отворам затворена врата без да тропна. Ја пуштам дамата да помине прва. Целта на овие бескрајни, едноставни правила е да го подобрат животот. Внимавам на своето однесување и верувам дека бонтонот е многу важен. Тој е едноставен и разбирлив јазик на взаемното почитување“.
