Во продолжение прочитајте за поедноставната верзија на рецептот за кокосови бомбици во кои млекото во прав е заменето со бело чоколадо
Состојки:
- 100 гр. кокос
- 300 гр. бело чоколадо
- 1,5 дл слатка павлака
- кокос за валкање
Подготовка:
- Белото чоколадо најпрво искршете го на коцки.
- Потоа загрејте ја павлаката додека не зоврие и истурете го врз чоколадото.
- Смесата промешајте ја со дрвена лажица додека чоколадото не се растопи и се соедини со павлаката.
- Додадете го кокосот во смесата со чоколада и павлака и оставете да се излади на собна температура.
- Откако смесата ќе се излади, ставете ја во ладилник еден час.
- Кога ќе се излади, извадете ја смесата од фрижидер и со лажица измешајте ја смесата, а потоа формирајте мали бомбици со рацете и извалкајте ги во кокос.
- Продолжете со обликување на бомбиците сè додека не ја потрошите смесата.
- Кога ќе ги обликувате, обавезно чувајте ги на ладно место.
