Авалон продукција ја информираат јавноста дека легендарниот Жељко Бебек и неговиот бенд се пристигнати во Охрид, каде вечерва со почеток од 22 часот ќе го оддржат првиот од двата договорени концерти, во Античкиот театар.
Тие информираат дека концертите ќе се оддржуваат според утврдените и одобрените протоколи од Министерството за здравство и дека ќе бидат реализирани и организирани професионално исто како концертите на Амира Медуњанин и на Дарко Рундек.
“Бидете сигурни дека оние сцени од еден концерт одржан вчера (во Битола) со којшто Авалон Продукција нема апсолутно никакви допирни точки- нема да се случат”
Имено, во моментов за охридскиот концерт на Бебек се останати во продажба само 100 влезници, а за битолскиот уште 200 влезници. После распродавањето на овие карти (ако дојде до тоа), продажбата ќе биде стопирана.
По завршувањето на овие два концерти следуваат последните три проекти во Скопје, а тоа се концертите на Електрични Оргазам (11-ти септември), фестивалот Skopje Calling (12-ти септември) и на Бајага и Инструктори (13-ти септември), на стадионот на АРМ, open air!
