Во Хомстед, Флорида, недалеку од Мајами, постои светски позната зграда наречена Коралски замок. И тоа не е ниту замок, ниту корал. Она што е тој – неверојатно достигнување на еден човек. Над 1.000 тони седиментна карпа се ископани и издлабени во различни форми, вклучувајќи sидови на плочи, маси, столови, полумесечина, фонтана и сончев часовник.
Таканаречениот Корален замок е всушност споменик на летонскиот имигрант Едвард Лидскалнин на неговата изгубена и никогаш непрежалена љубов. Тој го создавал целосно сам, цели 28 години, сè до неговата смрт во 1951 година. Легендата вели дека тој добил инспирација да го изгради овој објект откако неговата шеснаесетгодишна сакана го оставила на денот на неговата венчавка. Погоден од изгубената љубов, тој реши да му докаже на целиот свет дека може да направи нешто необично. И тој успеал во тоа.
Иако живеел во изолација, тој го отвори паркот во 1923 година за посетители, на кои честопати лично им ги покажувал своите ракотворби. Меѓу нив, се издвојува камен стол-лулка – способен за вртење, но неудобен. Исто така постои и када покриена со школка. Горе е „масата за празникот на љубовта“ – плоча во форма на срце опкружена со столови, но празна и никогаш не користена.
Коралниот замок ги збуни научниците и инженерите уште од своето основање. Никој нема одговор на едно прашање. Како човек без механизација и тешки алатки создадл вакво нешто? Замокот се појави безброј пати во книги, списанија и телевизиски емисии. Рок музичарот Били Ајдол дури напиша и песна за тоа место, „Sweet sixteen“.
Лидскалнин живеел до 64-та година од животот. Својот монументален замок го остави на својот внук во Мичиген, кој на крајот го продаде на семејство од Илиноис. Тие го сочувале како музеј што секој може да го види и доживее. Замокот на коралите е додаден во Националниот регистар на историски места во 1984 година. Кога пред смртта Едвард Лидскалнин беше запрашан како го постигнал своето извонредно достигнување, се што рече е: „Не е тешко, ако знаете како“.
