Пробајте го новиот рецепт за чизкејк што не се пече!
Кога станува збор за рецепти, никогаш не ни е доволно од нови слатки за да ги послужиме најблиските. Најдобри се оние за кои не е потребно многу време и не бараат печење. Дознајте подолу како да направите ваков чудесен чизкејк!
Состојки:
- 30гр. несолен путер
- 300гр. мачмалоу
- 180гр. оризови снегулки
- 230гр. полуслатка чоколада
- 60мл. слатка павлака
- 450гр. крем сирење, омекнато
- 100гр. шеќер
- 1 лажица ванила
- 600 мл. шлаг
- 100гр. чоколадо за украсување
Подготовка:
Во поголем сад, растопете го путерот. Додадете го мачмалоуто и мешајте додека не се растопи целосно. Потоа додадете ги крцкавите оризови снегулки и мешајте додека не се соединат сите состојки.
Додека смесата е сè уште топла, префрлете ја во претходно подмачкан калап. Смесата распоредете ја рамномерно на дното и страните на калапот.
Измешајте го чоколадото со слатката павлака и растопете го на пареа.
Во поголем сад измешајте го крем сирењето, шеќерот и ванилата. Додадете ја растопената чоколада и измешајте убаво сè заедно додека не се соединат состојките. Од изматениот шлаг издвојте 90гр. и додадете во оваа смеса и промешајте. Истурете ја целата смеса над снегулките од оризот и израмнете ја. Целата торта ставете ја во фрижидер минимум 3-4 часа, или преку ноќ.
Со останатиот шлаг, украсете го колачот по желба, а врз него ситно изрендајте го чоколадото.
Уживајте!
