Доколку немате идеја за денешниот ручек, или пак сакате да го изненадите партнерот со вкусен оброк, подгответе ги овие вкусни тестенини.
Состојки:
За 4 особи
- 400 гр макарони
- 2 авокада (400 гр)
- 20 гр свеж босилек
- 10 гр свеж кориандер
- 1 чешне лук
- ½ лимон, сок
- 100 мл маслиново масло
- 60 гр изрендан пармезан
- сол
Подготовка:
- Макароните варете ги во солена вода.
- Авокадото преполовете го, отстранете ја семката, излупете го и исечкајте го на парчиња.
- Исечкајте го лукот, босилекот и кориандерот и исцедете половина лимон.
- Изматете го во блендер авокадото, лукот, 2/3 исечкан босилек и кориандерот, полека додадете маслиново масло и лимонов сок, по желба.
- На крај измешајте го преостанатиот босилек и кориандер, половина пармезан и зачинете со сол.
- Измешајте ги сварените тестенини со песто, истурете го останатиот пармезан и послужете.
Добар апетит!
