Есента со злато ја обои природата, но златната боја ја донесе и во нашите чинии и тоа во форма на тиква
Се сеќавам на оние денови кога одев кај баба ми на село: есента секогаш мирисаше на печена тиква … Додека на стариот шпорет се приготвуваше сармата, таа во рерната секогаш печеше златна и сочна тиква …
Со малку мед и цимет, ова беше најубавиот колач на светот.
Денес ви предлагаме да направите еден прекрасен колач со тиква:
Состојки:
- 200 гр рендана тиква
- 250 гр шеќер
- 100 мл масло
- 1 јајце
- 200 мл млеко
- 150 гр пченичен гриз
- 50 гр мелени ореви
- 1 лажичка цимет
- 3 лажици меко брашно
- 1 кесичка пециво
За прелив:
- 100 гр чоколадо за готвење
- 4 лажици шеќер
- 100 мл млеко
- 1 лажичка путер
Подготовка:
Изматете едно јајце со масло, додадете млеко и шеќер и матете додека не се соединат убаво. Потоа додајте ја ренданата тиква, оревите, гризот, циметот, брашното и прашокот за пециво. Убаво измешајте.
Печете околу 35 минути на 2000С.
Пред крајот на печењето подгответе го преливот. Во тенџере растопете го млекото со шеќерот, чоколадото и путерот. Топлиот прелив прелијте го преку топлиот испечен колач. Оставете го колачот да се излади и да го упие прливот, а потоа исечете го на коцки.
