Гламур во ‘џунгла’ стил им приреди либанскиот дизајнер на своите обожаватели претставувајќи ја колекцијата за пролетната сезона 2018 година. Elie Saab овој пат се инспирира од Амазонија и сето тоа го преточи во стилска уметност од раскошни тоалети со сензуални деколтеа, шлицови и отвори, но остави и нешто за секојдневието како лежерни сакоа и дводелни костими во кежуал варијанти.
Тој не изостави да го внесе и својот препознатлив луксуз и елеганција преку малите детали на своите креации како што се бисерните огрлици, чипканите детали и женствените аксесоари како ташни, очила за сонце и колани.
