Концертот на Enrique Iglesias во Скопје, кој се одржа на 20 јуни во ВИП Арената во СЦ „Борис Трајковски“, е историски затоа што за прв пат во Македонија настапуваше пејач којшто е од А листата на светски поп ѕвезди, а суперексклузивен е затоа што капацитетот на салата во СЦ „Борис Трајковски“ беше во исполнет до последното место (само 8000 карти беа пуштени во продажба).
Популарниот латино заводник во Скопје настапуваше во рамките на светската турнеја „Sex and Love“ во која го промовира својот последен студиски албум. На македонската публика и` се претстави со сите негови досегашни хитови, вклучувајќи ги последните и можеби најпопуларни „Bailando“, „El Perdon“, потоа и „Not in Love“, „Hero“, „Tonight“, „Bailamos“, „I like it“ и многу други, кои несомнено беа на челните позиции на многу топ листи во светот.
Подоле во галеријата погледнете дел од фотографиите од неверојатниот концерт на Енрике кој дефинитивно ќе остане запаметен уште долго време, а целата галерија од преку 100 фотографии можете да ја видите на нашата Фејсбук страна, а видеа од вчерашниот спектакл може да погледнете тука.
