Го чекавте овој момент толку долго – вашата прва дизајнерска чанта. Имате фрлено око на неа и ја гледате секој ден на излог. Имате сочувано пари и конечно се решивте да ја купите. Но пред да го сторите тоа, имајте ги во предвид добрите реплики т.н. ,,фејк,, чанти. Затоа, пред да се решите да ја купите, поминете ги следните постапки за да се уверите во нејзиниот квалитет.
1. Обрнете внимание на детали
Секој произведен продукт од светски познат бренд е внимателно проверен од обучени лица чија цел е да пронајдат дефекти доколку ги има пред нивно издавање. Сите рабови треба да бидат добро сошиени, а лабавите конци не доаѓаат во предвид.Сите дизајнерски чанти се рачно изработени, па затоа ако се обидат да ви кажат дека се работи за фабричка грешка, знаете каде се наоѓа вратата.
2. Патенти и копчиња
Кога се работи за патенти и копчиња, не треба да се сомневате во нивниот квалитет бидејќи тој е ветен, а на нив треба да има испринтано име или број, што е само уште еден доказ за нивниот квалитет и автентичност.
3. Материјали
Познатите брендови не користат сурова кожа, исклучително високо-квалитетни материјали. Некои дизајнерски чанти можат да бидат нежни и флексибилни, но тие ја задржуваат нивната форма.
4. Името на брендот
Понекогаш обрнуваме премногу внимание на деталите, а го испуштаме она највоочливото – името на брендот. Изненадувачки, плагијатите вообичаено го имаат името на брендот испринтано во друг фонт, замачкани букви па дури и со грешки во буквите.
5. Сериски број
Серискиот број е еден од најважните посочувачи за автентичноста на чантата. Тој е прикачен на посебен начин што го прави невозможно да се извади без да се оштети продуктот. Додека од друга страна, фејк продуктите најчесто имаат налепница со број што е само залепена на површината.
6. Пакувањето
Имајте во предвид дека скапите дизајнерски чанти секогаш се скапо спакувани во кеси што се најчесто направени од високо-квалитетен материјали.
