Секоја пролет, Антилопската Долина во Калифорнија буквално експлодира со бои од разните диви цветови кои цветаат тука. Иако има многу цветови, „ѕвездата на шоуто“ е заштитниот знак на Калифорнија – Калифорниската ешолција (анг. California poppy; лат Eschscholzia californica).
Обично, многу посетители одат таму во пролет, за да ги гледаат овие воодушевувачки глетки. Меѓутоа, резерватот е затворен поради мерките за превенција на COVID-19, па така, НАСА оваа година ни даде една поинаква, птичја перспектива на цветањето.
Низ соларните фарми и зелените пасишта, светло портокаловите цветови неверојатно многу се истакнуваат. Оваа година имаше повеќе дожд од обично во тие предели, па се очекува и цветовите да траат подолго од обично.
