Студијата тврди дека ако овие теми ве засмејуваат, вие сте многу интелигентна личност
Ако сакате црн хумор и се смеете на морбидни шеги додека другите ве гледаат чудно, вие сте поинтелигентни од останатите, тврдат научниците.
Имено, една студија на Медицинскиот универзитет во Виена испитала 156 возрасни луѓе кои сакаат црн хумор, односно луѓе кои се смеат на помрачни теми како што се болест, смрт, хендикеп или војна.
Научниците им покажале 12 цртани филмови од популарниот германски хуморист Ули Штајн во кои преовладуваат смрт (50 проценти), болест (17 проценти), физичка попреченост (25 проценти), лекување (8 проценти) и од нив било побарано да го оценат следново:
- Тежина – колку е тешко да се разбере тој хумор и да се разбере поентата
- Вулгарност – колку е шегата вулгарна или невкусна
- Изненадување – Колку се изненадени од поентата на шегата, колку е неочекувано
- Новина – Колку е нова и непозната шегата
- Интерес – Колку е интересна темата
- Зависност – Колку тие генерално сакаат било каков хумор
Испитаниците биле оценувани за вербална и невербална интелигенција, нарушувања на расположението и агресивност и се покажало дека оние кои најмногу уживале во цртаните биле најинтелигентни, најобразовани, најмалку проблематични и најмалку агресивни меѓу испитаниците.
Од друга страна, просечните луѓе со средно ниво на интелигенција ретко уживаат во „црн хумор“, тврдат австриски научници.
