Изборот помеѓу гејмерските телефони се зголеми за уште еден нов производ. Станува збор за новиот гејмерски телефон ZTE Nubia Red Magic.
Nubia го стави телефонот на IndieGoGo кампањата која трае еден месец, планирајќи да стигне до поддршка од 50 илјади долари. Nubia веројатно ова го прави поради публицитет и полесно ансирање на производот на пазарот.
Оние кои ќе го поддржат телефонот, ќе можат да го имаат за цена од само 400 долари. Ова е многу ниска цена за гејмерски смартфон, иако засега ги немаме неговите детални спецификации, освен дека ќе има водено ладење и батерија од 3.800 mAh. Сепак, според најавата на Nubia, тој ќе овозможи моќен „гејмплеј“, оптимизирани перформанси и тенок, ергономски дизајн. Моја претпоставка е дека телефонот сигурно ќе има Snapdragon 845 процесор, со посебен мод (црвеното копче), кој дополнително ќе ги подобри перформансите во игрите. Телефонот ќе има и 6 инчен дисплеј со Full HD+ резолуција и мала рамка, како и камера со 24 мегапиксели и f/1.7 бленда
Купувачите кои сакаат да бидат меѓу првите што ќе го пробаат телефонот, можат да бидат меѓу првите 250 ако ја поддржат кампањата (месец Мај), но телефоните кои ќе ги добијат нема да имаат финален софтвер и ќе бидат доволно добри само за тестирање. Nubia инаку забрзано работи на финална верзија на Android Oreo за овој телефон, која веројатно ќе пристигне на крајот на Мај или почетокот на Јуни.
