Возиш низ град, на билборди гледаш Ентер Фест, плакати и флаери на сите страни, поддршката од медиумите е огромна и на крај отвораш Инстаграм и ти се случува Ентер Фест…
Деновиве Скопје живее во еуфорија, очекувајќи нешто поинакво и сосема интересно. Социјалните мрежи се преплавени со видео записи од најголемите музички ѕвезди од регионот и нашата земја кои ќе се соберат на едно место. Повод за тоа е големиот музички фестивал кој ќе се одржи од 29. мај до 2. јуни – Ентер Фест. Музиката е таа која секогаш успева да ги соедини луѓето, а доказ за тоа е огромната заинтересираност за овој музички спектакл.
Љубителите на фестивалите веќе се погрижија за своето присуство на петдневниот Ентер Фест обезбедувајќи си карти на време. Сите оние кои што сеуште немаат карти, можат да ги купат по цена од 990 денари за петдневен влез на фестивалот, онлајн на MkTickets, нивната продажна мрежa, како и во локалите на Trend Caffe , Next Bar & Food, Mr.Jack, Cali Café , Kalabalak Park, Custom Pub во Скопје и Bar Cube, Министерство и Бар Трговски во Куманово.
Овој фестивал нуди нешто сосема поразлично токму поради концептот и изведувачите кои се внимателно избрани да ги задоволат вкусовите на сите посетители. Во текот на овие пет денови, публиката ќе може да ужива во изведбите на повеќе од 70 изведувачи.
Артистите кои ќе настапат влегоа во ритамот на Ентер Фест, а нивното огромно задоволство дека ќе бидат дел од овој хепенинг веќе со денови го гледаме на видео објавите по социјалните мрежи снимени од нив. Ова е само мал дел од нив, а останатите погледнете ги тука.
Ентер Фест е настан кој мора да го доживеете! Ентер Фест значи уживање, добра музика и одлична забава. Бидете и вие дел од него!
