За да изгледаат како Анџелина Џоли или Бела Хадид, се повеќе жени одат под нож. Во овој случај не се работи за операција на нос или уста…
Новиот тренд во пластичната хирургија полека доаѓа од Америка во Европа. „Thighlighting“ е најновиот козметички зафат кој го изведуваат хирурзите на пациентите кои сакаат да имаат нозе на пример како Бела Хадид или Џенифер Лопез. Ова не е воопшто едноставен зафат – се работи за целосна промена на изгледот на нозете, а за да се дојде до тоа потребни се низа болни операции.
„Thighlighting“ претставува комбинација од лифтинг на бутовите, импланти во листовите, обликувањето на предните и задните делови на бутовите и отстранување на маснотиите. Целта е да се постигнат долги обликувани нозе кои се секогаш во прв план, како оние на познатите манекенки и ѕвезди.
По оперативните зафати, нозете би требало да изгледаат подолги, односно целото тело треб да добие послаб изглед. Зафатите како што е овој, кои не само што се ризични, туку се и болни – се практикуваат се повеќе бидејќи на некои луѓе малите хируршки зафати не им се доволни за да го постигнат денешниот стандард во убавината. Покрај овој тренд, се оперираат и раце, вагини, лице, речиси секоја ситница на телото, се со цел да се постигне апсурдниот „совршен изглед“. Единствено добро кое произлегува од ваквите трендови е тоа дека бргу исчезнуваат откако ќе се појават.
