Робин Лахаин (31) и Џудит Шнајдер (30), двојка од Германија, имаат многу интересно хоби – тие патуваат низ светот за да копираат познати сцени од филмови на локациите каде што биле снимени.
Робин и Џудит се запознаа на забава на заеднички пријател пред околу 10 години а започнаа да посетуваат локации од познатите филмови во последните 6 години. Отпрвин тоа им било само хоби кое го правеле за себе, објавувајќи на социјалните мрежи само оние фотографии што ги направиле дома, но потоа нивните пријатели почнале да го забележуваат нивното хоби и да го фалат нивниот талент за повторување на овие сцени. Инстаграм тогаш ја зголеми популарноста, па тие го започнаа својот профил наречен „Тајни познати места“, на кој има десетици илјади следбеници.
„Ова е наше хоби“, изјави Шнајдер за списанието „Инсајдер“.
„Почнавме да го правиме тоа, бидејќи е навистина забавно, но по четири или пет години сфативме дека сите ги гледаат нашите слики и се смеат и се забавуваат, па решивме да ги објавиме на Инстаграм“, вели таа.
Овие двајца љубители на филмови треба постојано да повторуваат дека ова е хоби за нив, а не работа, како што мислат многу луѓе. Робин е машински инженер, а Џудит работи во радио станица; тие ги планираат своите одмори имајќи ги предвид филмските локации, па наместо едноставно да одат да ја посетат Ајфеловата кула во Париз, тие ги истражуваат познатите филмски локации за нивната колекција, која сега има околу 70 сцени.
Изборот на сцени за копирање е покомплициран отколку што многумина мислат. Прво, тие сакаат да копираат само добри филмски сцени, а исто така обично се одлучуваат за оние во кои се машки и женски актери, но понекогаш прават исклучоци, како што се сцени од „Господарот на прстените“, каде што Џудит го игра Леголас. Секој проект мора да биде добро испланиран и осмислен, бидејќи не е доволно лесен да се оди на локацијата и да се фотографира. На пример, тие еднаш отпатуваа на Нов Зеланд за да копираат сцена од „Хобит“ и открија дека на сцената и недостасува познатата планина Кук во позадина. Откриле дека планината е оддалечена стотици километри и дека е дигитално додадена на позадината.
