Иако неодамна ја раскина врската со познатиот рапер Дрејк, изгледа дека на атрактивната пејачка Џенифер Лопез и’ се смешка уште еден брак.
Имено, новото момче на пејачката е безбол-играчот Алекс Родригез, кој на времето беше во љубвна врска со Мадона. Сакајќи да ја држат љубовта далеку од очите на јавноста, Џенифер и Алекс тајно отпатувале на Бахамите, каде што уживаат во приватно одморалиште.
„Моментално уживам во животот и среќна сум“, кратко искоментира Џенифер.
Сепак, пејачката објави фотографија од одморот, со која успеа да ја заинтригира јавноста.
Џенифер позира за време на пикник, а на сите им го привлече вниманието огромниот дијамантски прстен на прстот резервиран за свршенички. Меѓутоа, сите не веруваат дека врската на пејачката е вистинита.
„Таа врска е лажна, исто како што беше и врската со Дрејк. Таа е кралица на исценираните врски“, наводно изјавил нејзин поранешен вработен.
