Еден француски пар во тек на една прошетка пронашол ситна капсула со порака од пруски војник која пред повеќе од еден век требало да ја пренеси гулаб писмоносец.
Пронајдена порака од Првата светска војна е порака на војник од пешадијата кој бил стациониран во Ингерхејм.
„Во пораката биле детално опишани воени манвери а била упатена кон надреден офицер“ – истакнува Доминик Жарди, кустос на музејот Линж во Орбеј на истокот на Франција.
Четири гулаби требало да пренесат четири примероци на пораката на германски но еден од нив очигледно се изгубил брзо откако полетал. Не може потполно да се знае за сигурно точниот датум на нивното испраќање, особено годината затоа што последниот број е тешко читлив и не се знае дали е 16 јули 1910 или 1916.
A tiny capsule containing a message written by a Prussian soldier who used a carrier pigeon to send it more than a century ago has been found by a French couple https://t.co/6C4gSWwwMX
— SkyNews (@SkyNews) November 9, 2020
Во тоа време Ингерхејм бил дел од Германија а сега припаѓа на француската регија Гранд Ест.
Капсулата со порака ја пронашол пар од Франција шетајќи по полињата и ја однел во Орбеј во музејот посветен на една од најкрвавите битки во Првата светска војна.
Кустосот на музејот Линж во Орбеј изјави дека ова е „исклучително ретко“ откритие и замоли германски лингивст да и помогне во дешифрирање на пораката.
