Љубители сте на слатко, но сакате едноставни рецепти? Оваа Brownie торта е идеална за вас!
Состојки:
100 грама путер
400 грама чоколада
4 јајца
140 грама шеќер
75 грама оштро брашно
75 грама лесно брашно
150 грама ореви
2 чаши засладен чај од камилица
За обликување: 100 грама чоколада истопете во растително масло
Подготовка:
Измешајте ги јајцата и шеќерот, додадете брашно и мешајте се заедно. Путерот и чоколадата растопете ги на пареа, а потоа додајте ги во мешавината на јајца, шеќер и брашно, промешајте и додадете ореви и малку рум (ако сакате), па мешајте додека не се соедини. Калапот за торта премачкајте го со путер и посипете со брашно. Ставете ја мешавината за торта во претходно загреана рерна, 20 минути на 190 степени. Кога ќе се излади, прелијте ја со ладен чај од камилица и прелив од чоколада. Послужете со шлаг и уживајте.
