Пилингот на кожата е една од најдобрите методи со чија помош ќе можете да ја одржите витална, здрава и долготрајно нежна.
Дерматолозите и козметичарите во неколку наврати нагласуваат зошто пилингот на кожата е значаен за нејзиното здравје а со самото тоа и нејзиниот изглед.
Причината е доста едноставна: Изумрените ќелии на кожата кои се наоѓаат на нејзиниот прв површински слој се отстрануваат на овој начин, а тоа го стимулира производството на колаген а со самото тоа помага и кожата да биде поцврста, да изгледа посвежо и генерално поубаво, додека на допир е значително многу помека.
Пилингот е значаен чекор кој морате да го додадете во вашата рутина за нега.
Не е препорачливо да се користи пилинг секој ден затоа што тоа може да ја исуши кожата, и да ја иритира. Најсигурно е да се користи два до три пати неделно, а после секој пилинг задолжително е да се нанеси богата хидратантна крема или масло за тело.
Во една клиничка студија пред неколку години докажано е дека со 12 недели користење на производи кои во себе содржат кофеин предизвикува значително намалување на појавата на целулит. Кофеинот е еден од најпопуларните состојки на сите козметички производи во борбата против целулитот.
Рецепт за пилинг против целулит
Состојки:
- 1 и половина шолја мелено кафе
- 2 лажици топла вода
- 1 лажица загреано кокосово масло
Начин на подготовка:
Измешајте го кафето и водата, мешајте се додека не добиете компактна смеса, а потоа додадете го кокосовото масло. Додадете уште масло или кафе доколку е неопходно за смесата да стане густа.
