Купивте ново парче облека, но се уште не сте сигурни со кои чевли треба да го комбинирате. Не грижете се…
Конечно стигнаа сончевите денови и топлото време за омилените здолништа и фустани. Разлетани, плисирани, тесни, шарени, сè зависи од вкусот, но кои чевли да се носат со тој стајлинг? Сето тоа зависи од должината на здолништето / фустанот.
Доколку должината на здолништето / фустанот е над колената
Постои непишано правило, а тоа е – колку е пократко здолништето или фустанот, толку е пониска петата. И ова се однесува особено на секојдневните комбинации за работа и факултет. Замислете минијатурна сукња и вртоглави потпетици, не е баш во мода, нели? Затоа, комбинирајте здолништа и фустани со должина над колена со балетанки и мокасинки, како и некои тренди патики. Меѓутоа, ако не можете да издржите без потпетици, изберете го исклучително популарниот модел kitten-heel, со мини петица до 4,75 центиметри или сандалки со дебела штикла.
Доколу должината на здолништето / фустанот е преку колената
Миди здолништата дефинитивно изгледаат фантастично со обични бели патики во секое време и прилика, но со таа должина можете да си изберете и убави потпетици. Без оглед на тоа дали ќе се одлучите за откачена платфора, тенка или класична салонка, секако ќе изгледаат подобро на комбинација која го покрива поголемиот дел од ногата.
