Модната недела во Париз е во полн ек, а најпознатите модни куќи ги претставија своите колекции за сезоната пролет/лето 2022 година.
Што ќе носат следните сезони дамите кои преферираат отмен стил на облекување, со малку сексапил, вечна класика и неминлива елеганција?
Тоа ни го покажува новата колекција на модната куќа Шанел.
Легендарниот бренд уште еднаш покажа зошто добрите работи не треба да се менуваат, како и дека никогаш нема да се откаже од својот традиционален модел.
Класичните Шанел комплети поввторно ќе бидат актуелни, додека новите трендови се следат преку новите бои и детали.
Модната куќа која ја слави женската елеганција и суптилниот сексапил претставила и елегантни, но многу атрактивни долги креации, кои може лесно да се вклопуваат со други парчиња облека, обувки и накит и што е најважно може лесно да се прилагодуваат за секоја пригода.
Дали ви се допаѓа новата колекција на Шанел?
