Австралијанецот Кристоф Ретезар конструираше шише за вода кое не морате да го надополнувате, бидејќи тоа самото создава вода директно од воздухот.
“Волшебното шише” наречено “Fontus” првенствено е наменето за луѓе кои живеат во подрачја каде има недостиг на чиста вода за пиење.
Како што објави “Теч Инсајдер” шишето функционира на тој начин што едноставно ја кондензира влагата во воздухот.
– Каде и да се наоѓате во воздухот има одреден процент на влажност – дури и во пустините. Тоа значи дека влагата секогаш може да се извлече од воздухот, изјави Ретезар за “Теч Инсајдер”.
Шишето има мала соларна плочка на врвот од која се напојува неговата батерија, на која се поврзани мали влакна, налик на оние на четките за заби, кои ја извлекуваат влагата од воздухот и ја претвораат во вода.
Во идеални услови, при влажноста на воздухот од 80 до 90 проценти, шишето може да “произведе” околу половина литар вода за време од еден час.
