Овенот е знак кој означува почеток на нешто енергично и разиграно. Нема многу нешта на светот кој можат Овенот да го натераат на воздржаност.
Овенот е нетрпелив, динамичен, брз и има натпреварувачки дух.
Кога “топката ќе почне да се тркала“ Овенот е најдобар. Склон е кон тоа во се да биде најдобар, од проекти на работа па се до во забавата со пријателите.
Кога е во прашање љубовта, овој заводлив знак секако дека ја превзема иницијативата.
Овните веднаш реагираат, ако некој им запне на око. Но за да го задржи вниманието на Овенот, таа личност треба да биде одлучна и возбудлива како што е и самиот тој.
Станува збор за страстен знак кој сака авантури. Бурните романси се честа појава кај овој знак. Но кога еднаш ќе се скраси, тоа го прави за цел живот.
Се додека во врската има возбудување кое ја движи крвта со голема брзина, таа врска е силна и здрава.
Активноста е клучен збор за овој знак. Овенот е постојано во движење.
Што се однесува до неговите пријатели, колку се тие поразлични толку е подобро. Тој брзо склучува нови пријателства, а во својот живот воспоставува неверојатно голем број на врски. Но долготрајните пријателства се нешто сосема друго. Само оние кои се подеднакво силни можат да бидат негови долгогодишни пријатели.
Со оглед на својата амбициозност и независност, Овенот својот животен пат го пронаоѓа многу рано. Што се однесува до семејството, во срцето секогаш ги носи своите сакани. Од нив очекува директен и јасен пристап, а најмногу ја цени искреноста.
Кариерата е област во која Овенот најмногу сјае. Тој е амбициозен, креативен и често има потреба да биде најдобар.
Овенот е роден лидер на кој многу ми е подобро да издава наредби отколку да ги прима.
Се што Овенот ќе науми се труди до крај да го оствари, бидејќи ги следи сопствените одлуки.
Кога ќе се соочи со предизвик веднаш ја проценува ситуацијата и пронаоѓа решение без разлика колку му е комплицирано да го спроведе планот.
Иако Овенот е доволно мудар да заштеди за “црни“ денови, тоа не е секогаш така бидејќи премногу ја сака возбудата, купувањето и игрите на среќа.
Тој не сака да мисли на иднината бидејќи неговата филозофија е да живее во моментот.
Едно е сигурно Овенот ќе се забавува колку што е возможно во даден момент.
