Thanksgiving или Денот на Благодарноста е национален празник којшто се слави во САД на четвртиот четврток од ноември.
Тоа е ден за изразување благодарност за благословите за жетвата и за претходната година.
Празникот има историски корени во раната колонијална Америка и често се поврзува со Аџиите (The Pilgrims) коишто пристигнале во Масачусетс во 1620 година.
Тие биле англиски сепаристи коишто сакале верска слобода, па затоа ја напуштиле својата земја и дошле во Америка.
Во 1620 година тие во текот на своето патување се соочиле со тешка сурова зима, недостаток на ресурси и многу жртви.
Во есента, 1621 година тие успешно ги собрале своите посеви, организирале гозба за да се заблагодарат за добрата жетва и за помошта што ја добиле од Индијанците.
Овој ден се слави со богата гозба, се изразува благодарност, се организираат паради, се гледаат фудбалски натпревари, се волонтира во настани и слично.
Датумот бил одбран од претседателот Абрахам Линколн во 1863 година и оттогаш се одбележува четвртиот четврток од ноември.
