До нашата редакција пристигна вистинска ексклузивна вест од познатите личности кои беа дел од овој досега невиден роденденски спектакл! А што навистина се случуваше!?
Robbie Williams при пристигнувањето во Скопје
На 17.01.2021 година спектакуларно беше одбележан роденденот на познатата ПР-ка Нена Гиевска. До доцните ноќни часови во скопската населба Црниче, позната по широките и големи дворови, имено, во дворот на Нена, гостите уживаа во овој невиден спектакл! Присутните на забавата се освежуваа со пиво и крцкави пилешки прсти, а славеничката пиеше суво бело вино. Виното го уживаше разладено на 7-10 степени, во комбинација со свежа морска риба, предјадење лосос, зелена салата и пилешко месо. Дел од музичкиот репертоар беше проследен со песните: I will survive, That’s what friends are for, What a wonderful world, We are the champions, Always look on the bright side of life, Let it be, Heroes, Natural Woman и други. Најголемиот спектакл и изненадување на вечерта беше присуството на Robbie Williams кој специјално дојде од Англија со негативен ПЦР тест и во чест на Нена ја отпеа легендарната I did it my way.
Покрај Robbie, чие ова е второ гостување во Македонија, во неколку помали групи (до четворица) беа забележани нашите познати личности: режисерката Теа Беговска, маркетинг специјалистите Крсто Златков и Маја Илиоска, извршната директорка на Навигаторс, Наташа Дукоска, в.д директорот на Центарот со управување со кризи, Стојанче Ангелов и уште неколку познати Масони од Големата ложа на Англија. Сето ова ги разбуди нашите сомнежи дека можеби токму на овој роденденски спектакл Нена станала дел од оваа позната Масонерија.
Денес се обидовме да стапиме во контакт со Гиевска со цел лично да ни ги сподели впечатоците и одговори на оваа дилема, но добивме порака дека е на масажа кај познатата физиотерапевтка, Владанка Дренковска и дека и е потребен одмор.
Спектаклот беше одржан под маски комплетно почитувајќи ги сите здравствени протоколи и препораки од Министерството за здравство, незабележувајќи ниту еден допир помеѓу присутните, освен поздравот со намигнување од познатиот пејач кон Нена.
Овој текст е роденденска честитка од нашата редакција на Srekja.mk, Happiness Marketing и пријателите. Нена ти го честитаме роденденот и ти посакуваме многу здравје, среќа и успех во идните животни предизвици!
Нена Гиевска
