Луѓето кои немаат многу допирни точки, честопати знаат да се најдат во стравствена авантура. Но, како изгледа животот на тие хороскопски знаци кога авантурата ќе прерасне во нешто повеќе?
Овен и Вага
Уште на прв поглед е јасно дека овенот и вагата се два различни светови. Овенот е тврдоглав, упорен и добро знае што сака, а вагата има проблеми со носењето на одлуки. Освен тоа, таа е мирољубива и тактична и не е склона кон кавги, додека тој сите проблеми и несогласувања ги решава со викање и кавга.
Неа не и се допаѓа неговиот бурен темперамент, непромисленост и нагла природа, додека тој и замерува поради нејзината инертност и неодлучност и смета дека не е искрена. Шармантната и толерантна вага сеогаш се грижи за другите и ги согледува сите аспекти на една приказна, за разлика од овенот кој е насочен исклучиво кон себе и своите потреби и не се замара со туѓите мислења, па поради тоа често го обвинуваат дека е себичен.
И покрај сите разлики во карактерот, овие два знаци често се среќаваат во животот. Привлечноста која постои помеѓу нив е толку силна , што неретко се заљубуваат и остваруваат љубовна врска. Но, проблемите настануваат откако ќе спласне почетната страст и на површина ќе испливаат нивните различни карактери.
Бик и Шкорпија
И биковите и шкорпиите се упорни, тврдоглави и не сакаат да се откажат од своите начела, ноо главната разлика е што Шкорпиите се помудри и тактичари, додека биковите некогаш водат инат само затоа што така одлучиле. Бикот е насочен кон домот и семејството, и подготвн е напорно да работи за да оствари материјална сигурнист, додека шкорпијата ја движи желбата за моќ и успех.
Поради нивната атална привлечност, често се вљубуваат на прв поглед и започнуваат врска, а во астрологијата важат за еден од највозбудливите парови чиј однос е обележан со страст и интензивни емоции.
Близнаци и Стрелец
Иако се спротивни знаци, имаат многу заеднички карактеристики. Двата знаци се друштвени и весели луѓе кои секогаш се во потрага по нови искуства и имаат многу пријатели, но главната разлика се однесува на поинаквите размислувања и животни цели. Близнаците секогаш се во движење, немирни се и не можат долго да се задржат на едно место. Сакаат да учат и да дознаваат нови информации, па затоа имаат широко, но, површно знаење за се, додека стрелецот повеќе сака да се сконцентрира на едно подрачје. За него е поважно да има многу пријатели и да се забавува во животот, отколку да размислува за неговата смисла.
Стрелецот е по природа филозоф кој сака длабоки и аргументирани расправи, додека близнаците ги интересираат површни муабети, а склони се и кон трач кој стрелецот не го поднесува. Кога ќе се најдат во љубовна врска, можат добро да функционираат, иако секогаш ќе се караат и ќе започнуваат бесконечни расправи кои не водат никаде.
Рак и Јарец
Ракот и јарецот се потполно различни луѓе. Нежниот и чувствителен рак во животот се води според чувствата, додека ладниот и воздржан јарец смета дека покажувањето емоции е слабост. Јарецот се води според разумот и амбициите, а деловниот успех во животот му е најважен, додека ракот е насочен кон семејството и нивното здравје и среќа им е главен приоритет.
И за јарецот семејството е многу важно, но тој својата љубов ја покажува со дела – заработувајќи пари и создавајќи материјална стабилност, додека ракот љубовта ја искажува со грижа и топлина. Еден на друг се многу привлечни па често започнуваат врска, но набргу на виделина испливуваат разликите. На воздржаниот јарец најмногу му смета чувствителната природа и склоноста кон чести промени на расположението, а нежниот рак смета дека јарецот е ладна и затворена личност до која не може да се допре. Во овој однос ракот е тој кој се жртвува и чија топлина и посветеност го држи семејството во целина.
Лав и Водолија
Овие два знаци на прв поглед може да делуваат слични, но во основа се потполно различни со поинакви животни цели. Заедичко им е тоа што се друштвени и комуникативни, и тоа е се. За лавот важно мислењето на околината и сака сите да му се восхитуваат и да го почитуваат, а за воодлијата тоа е потполно неважно. За него е важно да биде поинаков и да предизвикува контроверзии, а не да биде омилен кај луѓето.
Нивниот однос е експлозивен и динамичен. Жестоките расправи се составен дел од врската, а најдобро е сложуваат во кревет.
Девица и Риби
Нежната и романтична риба е потполна спротивност на ладната и воздржана девица. Додека е рибата со главата во облаците, девицата цврсто стои на земја и не си дозволува да создава нереални планови и идеи. Многу е самокритична и внимателно го планира секој детал, додека рибата живее во моментот и одлуките ги носи врз основа на моменталното расположение.
Различни се и во живтните цели – девицата е одговорен работник која се труди да оствари добра заработка, за разлика од рибата за која работата претставува нужно зло, посебно ако не ја сака својата работа, а парите не и се воопшто важни. Девицата вниава на своето здравје, дисциплинирана е и води уреден живот, а тоа е несфативо за рибите.
Љубовната врска помеѓу овие знаци не е реткост, но потребен е компромис за да функционира. Девицата треба да се навикне на мечтаењето на рибите, а рибите мораат да се помират со критиките и ладната емоционална природа на девицата.
