Иако е невозможно да се оди секогаш според планот и понекогаш не можете да постигнете сè, едно е сигурно – секогаш треба да се обидете, вели блогерот посветен на темите за деловен успех Ричард Бренсон.
За да бидете попродуктивни и поуспешни, милијардерот и основач на „Вирџин груп“ Ричард Бренсон вели дека треба да обрнете внимание на времето и да не доцните никаде, особено за работа и средба.
Советот од Шекспир дека е подобро да се подрани три часа одколку да се задоцни една минута, Бренсон го почитува повеќе од 50 години.
Креаторот на терминот „емоционална интелигенција“ Даниел Голман: Еве што е поважно од парите и IQ…
„Без разлика дали станува збор за состанок, лет, потрудете се да се појавите во времето кога сте ветиле“. Тој напиша во неодамнешниот пост на „LinkedIn“. „Ова можеби изгледа како старомоден совет… но мене добро ми служи во бизнисот веќе 50 години“.
Не само што другата страна ќе ве цени, туку ќе влијае на вашата ефикасност во текот на денот.
„Кога ќе задоцните, ќе ви биде тешко да го фатите ритамот во текот на денот. Да се биде точен не значи дека треба да брзате цело време“, објаснува тој, додавајќи, „тоа значи ефикасно да го организирате времето“.
Бренсон продолжува да објаснува дека не треба да бидете ригидни во врска со распоредот, туку да бидете флексибилни. Ако не можете да го направите тоа – делегирајте. Извинете се што доцните и испратете некој друг наместо вас.
Тој исто така вели дека е невозможно да се оди секогаш според планот и дека не можете да постигнете сè, но секогаш треба да се обидете.
