Ништо на лицето не може да го промени изгледот колку што тоа го можат веѓите. Меѓутоа, поголемиот дел од дамите се мачат со нивното обликување. Таа мака е особено голема кај оние кои имаат природно тенки и слаби беѓи.
Доколку и вие припаѓате во тој круг на жени, а не прифаќате тетовирање и исцртување на веѓите, тогаш овие совети кои ние ќе ви ги споделиме се токму за вас.
Правило број 1: Заборавете на пинцетата! Престанете да користите пинцетата и не ги кубете влакната барем на некое време се додека не се пополнат празните места каде што ви фалат влакна и ги прават вашите веѓи нерамномерни и тенки.
Правило број 2: Со цел влакната кои ги формираат веѓите да растат природно и брзо, кожата на тие делови мора да биде чиста и хидратирана. Затоа, ви предлагаме на деловите каде имате недостаток на влака да користите масла и хидратантни креми. Рицинусовото масло е најпознат лек кој го поттикнува растот на влакната. Секоја вечер пред легнување, мачкајте ги веѓите со рицинусово масло со помош на четкичка за веѓи и стара четка од маскара. Можете да го мешате со кокосово и маслинов масло кои исто така се делотворни. Се препорачува и користење на вазелин 2-3 пати неделно.
Правило број 3: Последното правило гласи внесување на витаминот Е во организмот. Слободно грицкајте бадеми и лешници, и сите останати продукти кои имаат изобилство на витамин Е.
