Властите на Перу го отворија Мачу Пикчу за само еден турист од Јапонија, кој чекал седум месеци за да го посети ова светско наследство.
Џеси Катајама допатува во Перу уште во март, но Мачи Пикчу е затворен поради пандемијата на коронавирус. Министерот за култура на Перу, Алехандро Нејра изјави дека Катајама доби дозвола за пристап бидејќи испратил специјално барање.
Јапонецот првобитно требал да помине само неколку денови во Перу, но останал подолго само поради забраната за патување.
Сепак, изминатиот викенд тој го оствари својот сон благодарение на добрата волја на властите на Перу.
Мачу Пикчу е популарна туристичка атракција која датира од добата на Инките. Се очекува дека повторно ќе биде отворен за јавноста во ноември, но бројот на посетители ќе биде ограничен.
Jesse Katayama, a Japanese tourist who was unable to enter Machu Picchu last March and stayed in Cusco for 7 months has finally finished his trip. Jesse becomes the first international tourist to enter Machu Picchu since the quarantine began. Machu Picchu reopens on October 15th. pic.twitter.com/VaP9a6kf2B
— Karikuy Tours Peru (@Karikuy) October 12, 2020
Перу потврди повеќе од 849,000 случаи на заразени од коронавирусот, а од последиците починаа 33,000 луѓе.
