По огромната трагедија со која се соочи семејството Брајант, сопругата на Коби, Ванеса за прв пат се обрати на својот Инстаграм профил споделувајќи фотографија и благодарност до поддршката и молитвите кои ги добива семејството во овие тешки моменти.
„Моите девојки и јас сакаме да им се заблагодариме на милионите луѓе кои покажаа поддршка и љубов во овие ужасни денови. Ви благодарам за сите молитви. Дефинитивно ни требаат. Ние сме целосно уништени од ненадејната загуба на мојот сакан сопруг, Коби – неверојатниот татко на нашите деца; и мојата убава, слатка Џиана, сакана, внимателна и прекрасна ќерка и неверојатна сестра на Наталија, Бјанка и Капри. Ние сме исто така потполно скршени за семејствата што ги загубија своите најблиски во неделата и ја споделуваме со нив тагата.
Нема доволно зборови за да ја опишат нашата болка во моментов. Се радувам поради фактот дека Коби и Џиџи знаеја колку многу се сакани. Бевме толку неверојатно благословени што ги имавме во нашите животи. Посакувам тие да беа тука со нас засекогаш. Тие беа нашите прекрасни благослови кои не напуштија прерано. Не сум сигурна какви се нашите животи од денес и невозможно е да се замислат без нив. Но, ние се будиме секој ден, обидувајќи се да продолжиме да работиме, затоа што Коби и нашата мала девојка, Џиџи, сјаат на нас за да ни го осветлат патот. Нашата љубов кон нив е бесконечна и неизмерна. Само посакувам да можам да ги гушнам, да ги бакнам и да ги благословам. Нека бидат тука со нас, засекогаш. Ви благодариме што ја споделивте вашата тага и вашата поддршка со нас.
Ве замолуваме за почит и приватност да се соочиме со оваа нова реалност. Ви благодарам многу за вашите молитви и за вашата љубов кон Коби, Џиџи, Наталија, Бјанка, Капри и мене.“
