На меѓународниот филмски фестивал во Венеција, се случи она што обожавателите на моментално најпопуларната славна двојка со нетрпение го очекуваа со денови. „Бенифер“ на црвениот тепих – среќни, заљубени и насмеани.
Латино дивата Џенифер Лопез (52) и актерот Бен Афлек (49) се појавија на премиерата на „Последниот дуел“ на меѓународниот фестивал во Венеција, и ова е нивно прво појавување на црвениот тепих по 18 години и обновување на нивната романса. Новиот стар пар „Бенифер“ зачекори на црвениот тепих насмеан и држејќи се за раце, па сосема е јасно дека тие беа ѕвездите на вечерта.
Латино дивата донесе гламурозен бел фустан потпишан од либанскиот моден дизајнер Жорж Хобејке. Луксузен фустан со многу изразено деколте и интересно деколте навистина зрачи со свадбена енергија. Чантата и сандалите го заокружија раскошниот стајлинг. Бен Афлек се одлучи за класичен смокинг.
