Минатата недела се одржа интернационалниот избор за убавина “Miss top of the world” во Пловдив, Бугарија во организација на Литванија. Меѓу најубавите претставнички на земјите низ целиот свет, нашата Викторија Луческа достоинствено ја претстави Македонија освојувајќи награда за втора придружничка.
“Изборот се одржа на највисоко ниво, деновите беа исполнети со многубројни активности и вежбање на кореографијата за финалната вечер. Со мене беше и македонската делегација која ми ја даде најголемата поддршка и не де откажаа во мене ниту во еден момент. Овие избори ме прават среќна затоа што покрај тоа што добивам прознание за мојата убавина, многу поважно учам од нив и ми помагаат да се надоградувам како личност, бидејќи да се биде помеѓу најубавите девојки на ваков избор не значи само убаво лице туку и внатрешна убавина, карактер и однесување. Горда сум со овој успех бидејќи Македонија ќе ја паметат како земја со паметни и убави девојки, а меѓусебното дружење до девојките прераснува во пријателство кое се памети засекогаш” – вели нашата претставничка Викторија Луческа.
Овој избор, како и многу други се само доказ дека во нашата држава има девојки и момци со голем потенцијал кои претставуваат амбасадори и ја промовираат Македонија на интернационално ниво.
