Цветањето на јапонските цреши во Јапонија е една од главните атракции во земјата.
Кога богот на планините му предложил на Нинги, внукот на богот на сонцето, да се ожени со една од неговите две ќерки, решил доколку Нинги прифати да му ја даде постарата ќерка, Високата Карпа бидејќи така нивниот живот ќе биде вечен и цврст како камен.
Доколку сепак се одлучи за помладата, Процветана, животот на нивните деца ќе биде преубав, но краток како сакура – цветот на црешата. Нинги ја избрал Процветана и станал предок на јапонските императори.
Сакура се сметаат розовите стебла од родот цреши од кои поголемиот дел имаат чисто декоративна функција. Постојат 16 видови на сакури и повеќе од 400 негови сорти, а во Јапонија не се одгледуваат поради плодот, туку поради цветот. Иако црешите може да се најдат на југот од северната хемисфера, во Кина, Кореја, Хималаите, поголемиот дел од стеблата од овој вид потекнуваат од Јапонија.
Цветањето на сакурите е една од главните атракции за која доаѓаат милион туристи за да се уверат со сопствени очи во магијата на пејзажот. Цветањето на сакурите за Јапонците е празник кој го нарекуваат Ханами.
View this post on Instagram
