Во време кога легендарната игра Counter Strike ја надминува својата слава стекната со 1.6 верзијата, со новата, пореалистична верзија Global Offensive, во која нуди многу нови можности меѓу кои и персонализирање на оружјата, тим од млади ентузијасти на пазарот ја нуди Skin Browser for CS:GO апликацијата.
Таа овозможува приказ на сите скинови за оружјата достапни во играта, во кој case се наоѓаат, како и нивните цени кои се ажурираат во реално време, така што секој корисник на апликацијата во секое време има увид во актуелните цени. Оваа апликација исто така ги поврзува корисниците со steam community, каде тие ќе можат директно да го купат или продадат производот кој го разгледувале. Skin Browser for CS:GO сега за сега е достапна бесплатно за Андроид оперативниот систем во Google Play Store, а во иднина се подготвува и верзија за iOS корисниците.
