Постојаната борба со ветерниците на никој сè уште му го нема подобрено квалитетот на животот
Наместо постојано да пливате и да се борите со брановите, зошто не застанете и не дозволите животот да ве научи неколку лекции?
Во природата на човекот е постојано да го контролира животот и сите случувања во него, наместо да остави некои работи да одат по својот тек. Некои ситуации и настани се неизбежни, а обидот да се спротивставите на нив само ве исцрпува.
Понекогаш животот има подобар план за вас од оној што самите сте си го скроиле. Да се остават работите да одат по својот тек е сосема во ред.
Кога ќе започнат да ви се случуваат работи кои се спротивни на вашите планови, започнува борбата и нервозата. Најчесто се случува да ја барате вината кај другите затоа што не сте подготвени да ги прифатите новите околности.
Сите имаме некои очекувања, но не се остварува баш се. Затоа почнуваме да размислуваме негативно, а многу често и запаѓаме во очај и депресија.
Животот никогаш нема да биде совршен, со тоа мора да се помириме.
Без оглед колку и да сакаме да го контролираме секој сегмент од животот од почеток до крај, тоа никогаш нема да ни тргне од рака. Она што можеме да го направиме е да ги прифатиме новите околности.
Кога сè ќе тргне наопаку, ние ја обвинуваме судбината и се сметаме за жртви кои не заслужуваат вакви работи. Наместо да ја погледнеме судбина директно во лице и да се обидеме да извлечете максимум од неа.
Животот може понекогаш да биде многу тежок, а станува уште потежок кога не можеме да привлечеме барем нешто позитивно и во моментите кои не се најсреќни. Има и добри и лоши моменти наизменично, а сите тие се случуваат со причина. Добрите се тука за да уживаме во нив, а лошите се за да се извлечеме поука од нив.
Сето тоа е став и поглед на животот. Кога ќе сфатите дека животот е еден и дека и покрај сите ваши проблеми, мора да останете ментално силни, тогаш сè се менува.
Запомнете дека ништо не трае вечно. Ако е добро ќе помине, а ако е лошо и тоа ќе помине. Уживајте во секој момент и од се извлечете максимум.
Фактот дека не успеаваме да ја постигнеме целта во одреден момент не значи дека никогаш нема да успееме. Никогаш не се откажувајте пред првата пречка. Можеби животот има подобар план за нас и ве придвижува во вистинската насока за да постигнете нешто поголемо и подобро.
Иако можеби ви изгледа сега дека целиот свет се руши, всушност ве води кон некоја подобра и посветла дестинација.
