Во тек е париската недела на високата мода или како што е популарно насловена “haute couture”. Ревијата на Кристиан Диор како и секогаш ги привлече сите погледи на модните критичари и следбеници со екстравагантните креации но она што го привлече вниманието најмногу беа гостите кои го следеа шоуто во првите редови. Меѓу најатрактивните гости се најдоа Селин Дион, Марион Котилард, Оливиа Палермо, Наталиа Водианова и Летиција Каста..
Познатата пеачка Селин Дион блесна во црна комбинација од кожни панталони и блејзер наметка, заокружувајќи ја креацијата со високи потпетици.. 48 годишната пеачка беше во центарот на вниманието на папараците воодушевувајќи со својот одличен изглед.
Француската актерка Марион го задржа својот париски дух и се одлучи за комбинација доследна на своите корени изгледајќи како вистинска париска девојка..
Францускиот супермодел Летиција Каста воодушеви во тесен жолт фустан, покажувајќи ја својата гламурозна силуета..
Модната блогерка Оливиа Палермо се одлучи за едноставен софистициран изглед во фустан-елек на закопчување парирајќи го со ниски рамни чевли.
