Една од најважните работи во животот е самодовербата. Самодовербата е клучот заради кој ќе ви се отворат многу работи во животот, а воедно и ќе ви помогне за градење успешни и здрави врски со луѓето околу вас.
Често се забораваме самите себеси, ја запоставуваме сопствената душа и како резултат на тоа паѓа самодовербата и заради тоа се прават многу грешки. Морате да научите да бидете подобри самите кон себе, а за да го направите тоа, применувајте ги овие 20 правила:
1. Ставајте се себеси на прво место, дури и ако другите ви се налутат заради тоа.
2. Кажувајте го гласно тоа што го мислите и чувствувате. Не ги голтајте вашите чувства.
3. Грижете се за вашето тело. Не го измачувајте и не му наштетувајте.
4. Носете алишта кои прават да се чувствувате удобно и пријатно. Не бидете роб на секој тренд.
5. Градете го животот што сакате да го имате, наместо да седите и да чекате да се појави личност која треба да го направи тоа.
6. Прифатете се себеси заедно со сите доблести и сите недостатоци.
7. Наоѓајте време да ги правите оние работи кое ве прават среќни.
8. Бидете горди на својата надворешна и внатрешна убавина, без да се плашите дека другите ќе мислат дека сте арогантни.
9. Ослободете се од грижата на совест поврзана со минатото. Од него треба да учите, грижата на совест е непотребна, бидејќи не можете да го вратите времето.
10. Поминувајте повеќе време самите со себе, а тоа да не вклучува седење пред ТВ и дремење на Фејсбук.
11. Бидете внимателни кому го давате срцето и кому давате дел од вашата душа.
12. Верувајте дека патот по кој што одите е исправен и дека вие сте создавач на вашата судбина.
13. Не ги обвинувајте родителите заради вашите околности во животот.
14. Следете ја вашата интуиција, наместо вашето его.
15. Држете се цврсто за вашите принципи и имајте интегритет.
16. Дозволете си себеси да имате големи соништа.
17. Внимателно трошете ја вашата енергија и емоции, не ги расфрлајте насекаде.
18. Преземете одговорност за вашите постапки и искуства.
19. Не се етикетирајте самите себе, особено не со етикетите кои другите ви ги наметнале.
20. Дозволете си себеси да направите грешки. Само така ќе созреете.
