Среќа Бар, за среќа е домаќин на 40-тото „Бизнис Кафе Македонија“. Овој четврток од 18 часот во Среќа Бар ќе имате можност да се запознаете со основачи на водечки технолошки стартапи и иновативни компании како што се Native Teams, FitKit и Data Masters.
Присутните на Бизнис Кафето ќе имаат можност да слушнат за тоа како овие тројца млади бизнис лидери ги развивале своите компании, кои биле нивните почетни предизвици и што се научиле во патот досега. Во нетворкинг делот ќе може со нив да се запознаат и да ги прашаат за совет или разрешување на некоја своја бизнис дилема.
Никола Бубевски e Co-Founder & Vice President of Commercial Operations во Native Teams – fintech платформа за интернационални плаќања за remote работа.
Ангелина Блажевска е ко-основач на FitKit и Coach Foods. Во FitKit, таа е одговорна за оперативно планирање, стратегија и анализи.
Филип Петровски е основач и Data Architect на Data Masters, компанија специјализирана во областа на Data Science која има свои канцеларии во Скопје и Лисабон. Тој е магистер по менаџмент на информации, специјализиран во бизнис-интелигенција и менаџмент на знаење.
За говорниците и самиот настан дознајте повеќе на овој линк.
Картите се по цена од 300 денари. Како да ги набавите можете да видите на Facebook настанот на Бизнис Кафе. Местата се ограничени.
