Здравите љубовни врски не се темелат само на ефектот на привлечноста, туку и постојаното взаемно вложување во врската. Ова се 5 златни правила кои можат да ви помогнат да изградите основа за успешен однос.
1. Честа и отворена комуникација
Комуникацијата е клучна карактеристика во секој здрав однос. Без редовна комуникација, ниту една врска не може да успее.
2. Отворени за компромис
Секој од нас е различен, како и нашите желби и потреби. Ако вашиот партнер ви е сличен, тоа не мора да значи дека секогаш ќе се согласувате. Клучот за секоја врска е компромис, односно договор во кој ќе се почитуваат двете страни.
3. Почитувајте го вашиот партнер
Со компромисот доаѓа и почитта. Често се случува во врските, особено во долгите, партнерите да почнат да се земаат едни со други здраво за готово.
4. Слобода
Врската не треба да претставува затвор, туку токму спротивно – треба да ги охрабрува партнерите и да им дава крилја. Дајте му на вашиот партнер време и простор да се посвети на себеси, на пријателите, семејството и работите кои го интересираат.
5. Не барајте среќа во вашиот партнер
Партнерите понекогаш очекуваат премногу едни од други, но партнерот никогаш не треба да ви биде замена за среќата или причина за доброто расположение. Несреќните луѓе очекуваат да ја најдат среќата во врската, а луѓе со ниска самодоверба мислат дека ќе се чувствуваат сигурно доколку се во врска. Ова се погрешни причини за влегување во љубовна врска, бидејќи вашата среќа не смее да зависи од никого, па дури ни од вашиот партнер.
