Живееме за рамнотежа и хармонија во сите аспекти на нашето постоење, од љубовниот живот до работа. Еве зошто сите други знаци на зодијакот ѝ завидуваат на Вага:
1. Баланс
Луѓето просто се собираат околу нив кога тие имаат проблеми, бидејќи се во состојба да ги согледаат сите страни на приказната. Се обидуваат да ги разберат сите страни на проблемот пред да понудат совет. Вагите не можат да ветат дека ќе ги решат сите проблеми, но секогаш ќе ве сослушаат и ќе понудат внимание и емоционална поддршка која во тој момент ви е потребна.
Нема нешто што ѝ пречи на вагата повеќе од негативноста. Нивното опкружување мора да биде избалансирано со добра енергија. Ако постои било каков конфликт, Вагата доаѓа да ги поправи работите. Меѓутоа, Вагите често се нарекуваат и “адвокат на ѓаволот” бидејќи не бираат страни. Но, на крајот на денот, само сакаат мир во светот кој не е толку мирољубив.
2. Шарм
Многу е лесно да се сакаат Вагите поради нивната привлечност. Тие се во состојба да направат секој да се чувствува интересен и важен. Тие се свесни за чувствата и емоциите на луѓето околу нив, но и за нивните активности и можни исходи кои тие можат да ги донесат.
Вагите имаат одлична перцепција. Се стремат кон постигнување на долгорочни односи со луѓето, а не ги сакаат површните луѓе и оние со лажно однесување. Тие веруваат дека би требало да научите да ги читате луѓето одвнатре, а не да го засновате пријателството врз основа на тоа како некој изгледа од надвор.
Сепак, без оглед на сиот тој шарм, Вагите многу тешко велат “не”, и затоа често се наоѓаат во стресни ситуации, бидејќи потребите на другите ги ставаат пред своите. Тие сакаат да им удоволат на сите, но многу брзо сфаќаат дека е невозможно сите да ги сакаат.
3. Чувствителност
Вагите се многу чувствителни кога се во прашање луѓето околу нив и тоа ги прави големи пријатели. Дури и кога се расправаат со некого, нивните харизма и добрина секогаш им помагаат да ги решат работите. На Вагата ѝ треба многу да се налути, но кога ќе дојде до таа точка, повеќе никогаш нема да ве гледа со исти очи.
4. Романтични
Вагите сакаат со сето свое срце. Ако сте доволно среќни да ја заработите љубовта на Вагата, треба да знаете дека вашето срце секогаш ќе биде во нејзината топла прегратка. Тие сакаат партнерот да знае колку го ценат со мал гест, но и со грандиозни гестови. Љубовта на Вагата е најголемата љубов која некогаш ќе ја најдете. Ќе ви биде целосно лојална и вашите потреби секогаш ќе бидат пред нејзините.
Вагите не веруваат во љубов на прв поглед. Многу се внимателни и не скокаат во кревет веднаш, бидејќи тие бараат долгорочни врски. Иако многу лесно привлекуваат партнери, многу се пребирливи, бидејќи поседуваат јасни стандарди, и во тоа нема ништо лошо. Вагата само така не избира лице на кое ќе ѝ го отвори срцето.
Сепак, Вагата, понекогаш умее да заборави дека не гледаат сите исто на љубовта и затоа многу често завршуваат со скршено срце.
5. Социјални пеперутки
Никој не се справува со непријатни ситуации подобро од Вагите. Тие се дипломати и со неверојатна леснотија ги решаваат и оние најчудните ситуации. Тие сакаат да бидат опкружени со луѓе. Смеењето, приказните и дебатите ќе го развеселат секој припадник на овој знак.
Вагите се креативни души кои сакаат да направат разлика. Тие се родени лидери и без мака се движат по скалилата на успехот, бидејќи секогаш се жедни за повеќе и бегаат од просечноста. Без разлика колку тие сакаат да бидат во друштво, понекогаш им треба малку осаменост за да успеат да ги наполнат батериите.
6. Убавина – и однадвор, и одвнатре
Вагата секогаш ќе ја препознаете на прв поглед. Тие се преубави, и тоа со добра причина. Со Вагата владее Венера, божицата на убавината и љубовта. Тие ја ценат убавината во сѐ, без разлика дали е пријател, партнер, музика или уметност.
Тие уживаат во владеењеето на најубавите нешта кои парите можат да ги купат и се гордеат со својот вкус. И немаат намера да се извинуваат заради тоа што сакаат убави нешта во својот живот.
