Направете принцес крофни: Брзо се подготвуваат, сочни се и полни со крем! (РЕЦЕПТ)

Ако сте љубител на принцес крофните, тогаш знаете колку понекогаш е комплицирано да се направи тестото за нив. Освен тоа, треба и да се полнат.

 

Процесот може да трае со часови. За среќа, пронајдовме рецепт со чија помош ќе ги направите брзо и едноставно.

Состојки за тесто:

• 500 мл вода
• 160 гр путер
• 500 гр брашно
• 3 јајца
• лажичка шеќер 
• прстофат сол (по желба)

Состојки за крем:

• околу 100 грама чоколадо, мармалад, шумско овошје или друг сладок додаток по желба

Подготовка:

• На самиот почеток чоколадото, мармаладот или другиот сладок додаток распоредете го во калап за коцки лед и ставете го во замрзнувач еден час.
• За тоа време, путерот ставете го да се загрее и додадете вода и оставете да проврие.
• Кога водата ќе почне да врие, додадете брашно и добро измешајте, па додадете ги јајцата.
• Секако, не престанувајте да мешате.
• Кога ќе измешате, смесата ставете ја во шприц.
• Извадете ги заледените коцки мармалад или чоколадо, па околу нив нанесете смеса во облик на крофни.
• Запечете ги во врело масло.
• На крај, слободно поминете ги во шеќер во прав!